المعاناة الايجابية 🤍
المعاناة الايجابية 🤍
كل انسان فالحياة يعاني من جانب معين ف حياته
ف اللي فاقد شعور العائله رغم وجودها
بينما شخص اخر عنده عائلة تحبه
بس يعاني من عدم حبه لنفسه
وشخص اخر عنده عائلة جميلة ومتصالح مع
نفسه ويحبها لكن عايش حياته بدون اي انجاز
وانسان متوفر عنده الانجازات والعائلة وحب النفس لكن ضايع فحياته وانشغل بالحياة ومغرياتها ورغم كل املاكه مش حاس ب شعور اطمئنان والراحه والسلام لانه بعيد عن الله وعاش حياته بشعور الوحده والملل رغم كل الوفرة اللي عنده
فقط لانه غير متصل " بالله عز وجل " ✨
سؤال يرواد عقلي هوا ليش هك ضروري م فيه
شي ناقص ف حياتنا ، ليش لازم نمرو بمعاناة ف
ناحيه من نواحي حياتنا ؟
الاجابة من بحثي ومنظوري الشخصي ✨
انه الحياة مش ح تكون ممتعه ابدا لو كل شي توفر
بكل سهوله ، فلهذا كل انسان ح يمر بهلبا ظروف
ونواقص وهوا اللي يسعى ويكمل كل نقص فحياته
ف وعيه وسعيه انه يتعلم من ظروف ، ويكتشف
كيف يتعامل مع الحياة
واي شي مفقود ف حياتك هوا اختبار ليك
ح يوضحلك هلبا ع نفسك ..
ويقويك ويخليك تحس ب انجاز كبير
اول م تلقا الحل المناسب لكل مشكله تمر بيها
فلهذا عود نفسك عالبحث مفيش باب مسكر الا موجود مفتاح مخصص لفتحه بس انت لازم تسعى ب محاولاتك وافكارك وذكائك بش تلقا المفتاح المناسب 🤍
وف رحله سعيك لاكتشاف مفاتيح مناسبه لحل
الابواب مغلقه ف حياتك ، صدقني ح تحس بمتعة
ومحاولاتك ح تخليك تفكر اكثر واكثر وح تفهم اكثر ع شخصيتك ، وح تكتشف هلبا اشياء مهمه جدا
وح توصل لمرحله التوزان وفن تعامل مع الحياة ومغرياتها وكل الظروف ولصعوبات
وف النهاية
معاناة ح تكون سلبية او ايجابية ب اختيارك
و ف طريقه تعاملك مع كل مشكلهه ✨🤍
امال محمد ✍
تعليقات
إرسال تعليق